Voss hundeklubb arrangerer kurs i Rallylydigheit klasse 1 og klasse 2 i hundehallen fylgjande onsdagar kl 18-20:
- 12/4
- 19/4
- 3/5
- 10/5
- 24/5
- 7/6
Forkunnskapar:
Litt kjennskap til rallylydigheit. Det er ein fordel om hunden kan lineføring/fri-ved-fot, samt enkle grunnmoment som sitt, dekk, bli osv.
Om kurset:
Kurset legg opp mest mulig praktisk rallytrening med hund der ein set opp både skiltkombinasjonar og fulle banar. I løpet av kurset skal ein ha vore gjennom og trent på alle skilta i klasse 1 og klasse 2. Vidare vert det fokus på konkurranseretta trening med mål om å gjera deltakarar klare for konkurranse i klasse 1 og klasse 2 om det er ynskjeleg.
Litt om rallylydigheit:
I rallylydighet går eigar og hund ein bane saman i ei bestemt rekkefølgje. Banen består av 15-22 skilt med ulike øvingar frå lydigheit, agility og feestyle. Det er nye banar for kvar konkurranse slik at skiltkombinasjonane ikkje er gitt på førehand. Før konkurransen får ein 10 min til å briefe banen. Alle startar konkurransen med 200 poeng og om ein får feil blir poeng blir trekte frå. Det er offisielt fire klassar (1, 2, 3 og elite) der vanskelegheitsgrada aukar oppover i klassane.
Hovudfokus i rallylydigheit ligg på glede, samspel og gode haldningar mellom hund og eigar. Eigar har lov til å rose og oppmuntre hunden under konkurransen. Sporten passer godt for alle hunderasar.
http://www.rally-lydighet.com/praktiskinfo/regler-skilt-baner-mm/skilt/
Voss hundeklubb har som hovedregel konkurransetrening kvar torsdag, og ynskjer at dei som blir med på treningane tek kurs (dette eller tilsvarande) og/eller har god kjennskap til hundesporten.
Instruktør: Rønnaug Nesheim
Pris: Kr 1400 for medlem
Kr 1850 for ikkje-medlem
Maks antal deltakarar: 6 stk
Påmelding til lp@vosshundeklubb.com (innan 5. april)